2025-ci il mayın 28-də Laçında Müstəqillik Günü münasibətilə Azərbaycan, Türkiyə və Pakistan liderlərinin iştirak etdiyi konsert keçirilmişdir.

Azərbaycan Prezidenti İlham Əliyev, Türkiyə Prezidenti Rəcəb Tayyib Ərdoğan və Pakistanın Baş naziri Məhəmməd Şahbaz Şərifin çıxışlarından sonra Azərbaycan, Türkiyə və Pakistan mahnılarından ibarət konsert proqramı təqdim olunub.

Üzeyir Hacıbəyli, Cahangir Cahangirov, Məhəbbət Kazımov, Metin Bukey, Selcuk Tekay, Sezgin Büyük, Masroor Anvar, Jamuliddin Aali və digərlərinin əsərlərini, “Çanaqqala türküsü və xalq mahnılarını xalq artistləri Azər Zeynalov, Briliant Dadaşova, Samir Cəfərov, Azərin, əməkdar artistlər Nigar Şabanova, Ehtiram Hüseynov, Lalə Məmmədova  və başqaları ifa etmişlər. İfalar, eyni zamanda, Xəzər Universitetinin Musiqi və incəsənət departamentinin müdiri, əməkdar müəllim, tanınmış pianoçu Zülfiyyə Sadıqova tərəfindən də müşayiət olunmuşdur.