2025-ci il mayın 22-28-də İqtisadiyyat və menecment fakültəsinin dekan müavini Dr. Xanım Öməroğlu Türkiyənin Qazi Universitetinə qarşılıqlı əməkdaşlıq çərçivəsində səfər edib. Səfər zaman o, universitetin Fənn fakültəsinin Riyaziyyat departamentinin müdiri Prof. Dr. Arap Duran Türkoğlu, departament müəllimləri Prof. Dr. Bayram Çekim və Prof. Dr. Aytekin Bayram Çıbık ilə görüşüb.

Görüşdə Dr. Xanım Öməroğlu Xəzər Universitetinin fəaliyyəti və müvafiq ixtisasları haqqında türkiyəli həmkarlarına ətraflı məlumat verib. O, həmçinin, mayın 23-də "Harmonik analizin əsas inteqral çevirmələri" başlıqlı seminar ilə Riyaziyyat departamentinin akademik heyəti - Prof. Dr. -lar Mustafa Özkan,  Cüneyt Çevik,  Arap Duran Türkoğlu,  Hakan Efe,  Bayram Çekim,  Mediha Akçay Örkcü,  Aytekin Bayram Çıbık,  Dr. Sezin Çit və. Neslihan Biricik Hepsisler qarşısında çıxış edib və mövzu ətrafında yaranan suallara cavab verib.

Seminarın sonunda Prof. Dr. Arap Duran Türkoğlu Dr. Xanım Öməroğluya sertifikat təqdim edib.