2025-ci il mayın 26-da Xəzər Universitetində Bakının Suraxanı rayonundakı 317 nömrəli tam orta məktəbin abituriyentləri və müəllim kollektivi ilə görüş keçirilmişdir. Xəzər Universitetinin Dillər və ədəbiyyatlar departamentinin müəllimi Ülvi Babasoy abituriyentlərə universitetin tədris prosesi və təhsil imkanları barədə ətraflı məlumat vermiş və abituriyentlərin suallarını cavablamışdır.

Xəzər Universitetinin 2011-ci il məzunu, EFE kursları şəbəkəsinin təsisçi direktoru, “Stop dreaming start speaking english” kitabının müəllifi, Elbonito şirkətinin sahibi Elnarə Bəybalayeva abituriyentlərə Xəzər Universitetində oxuduğu illər haqqında təəssüratlarını danışmış və uğur yolu ilə bağlı məlumat vermişdir.

Məktəbin ingilis dili müəllimi Aynurə Hacıyeva və Azərbaycan dili və ədəbiyyatı müəllimi Kəmalə Abdullayeva Xəzər Universiteti haqqında öz təəssüratlarını paylaşıblar.