Xəzər Universitetinin İqtisadiyyat və menecment fakultəsinin Beynəlxalq iqtisadi münasibətlər ixtisası üzrə 2006-cı il məzunu Aygül İsayeva Gürcüstanda yaşayan azərbaycanlı icması arasında göstərdiyi fəallığa və milli-mədəni dəyərlərin təşviqinə verdiyi töhfələrə görə Azərbaycan Respublikasının Diasporla İş üzrə Dövlət Komitəsi tərəfindən “Diaspor fəaliyyətində xidmətə görə” Azərbaycan Respublikasının Medalı medalı ilə təltif olunub.

Bu mükafat Aygül İsayevanın xaricdə yaşayan azərbaycanlıların birliyi, vətənə bağlılığı və milli mənsubiyyətinin gücləndirilməsi istiqamətində göstərdiyi ardıcıl və təsirli fəaliyyətinin nəticəsi kimi qiymətləndirilməlidir. Onun icmalararası dialoq, mədəniyyətlərarası münasibətlərin inkişafı və Azərbaycanın milli irsinin beynəlxalq müstəvidə təbliği sahəsindəki fəaliyyəti yüksək təqdir olunmuşdur.

Xəzər Universiteti olaraq məzunumuz Aygül İsayevanı bu əlamətdar nailiyyəti münasibətilə təbrik edir, ona gələcək fəaliyyətində uğurlar arzu edirik.