2025-ci il mayın 22-də Xəzər Universitetin Filologiya (Azərbaycan dili və ədəbiyyatı) ixtisasının IV kurs tələbələrinin filoloji təcrübəni bitirməsi ilə bağlı iclas keçirilib. Dillər və ədəbiyyatlar departamentinin müdiri Dos. Dilbər Zeynalova filoloji təcrübə və “Qanun” nəşriyyatı ilə əməkdaşlığın əhəmiyyəti haqqında danışıb.

Humanitar, təhsil və sosial elmlər fakültəsinin dekan əvəzi Aygün Verdiyeva tələbələrin filoloji (istehsalat) təcrübəsi haqqında fikirlərini bildirib və onlara uğurlar arzulayıb  Filoloji təcrübənin rəhbəri, Dillər və ədəbiyyatlar departamentinin müəllimi Ülvi Babasoy təcrübə prosesi haqqında məlumat verib. “Qanun” nəşriyyatının İnsan resursları üzrə mütəxəssisi Zərifə Məmmədova tələbələrin nəşriyyatda gördükləri işlərlə bağlı çıxış edib.