2025-ci il mayın 18-də Xəzər Universiteti Mədəni Antropologiya və Folklor İnstitutunun (MAFİ) koordinatoru Aynur Qəzənfərqızı tələbələri ilə birlikdə Azərbaycan Dövlət Akademik Milli Dram Teatrında səhnələşdirilən “Manqurt” tamaşasına baxıblar.

Tamaşa boyunca hadisələrin  milli-mənəvi dəyərlər axarında baş verməsi və obrazların psixoloji tutumu tələbələrdə dərin emosional təəssürat yaradıb.Tamaşadan sonra müəllimlə tələbələr arasında canlı və maraqlı fikir mübadiləsi baş tutub. Onlar “manqurtlaşma” anlayışının cəmiyyət və milli kimlik baxımından təhlükələrini müzakirə ediblər. Bu kimi mədəni tədbirlər tələbələrin yalnız nəzəri biliklərini deyil, həm də praktik baxışlarını zənginləşdirərək, onların mədəni irsə və bədii düşüncəyə daha dərindən yanaşmasına imkan yaradır.

Nigar Ələsgərli

Azərbaycan dili və ədəbiyyatı müəllimliyi ixtisası, 1-ci kurs