2025-ci il aprelin 30-da Xəzər Universitetində Amerika Birləşmiş Ştatlarının Mişiqan Dövlət Universitetinin Təhsil Departamentinin Müəllimlərin Hazırlığı üzrə professoru Dr. Hartman Douglas Keith və Türkiyənin Boğaziçi Universitetindən Təhsil departamentinin dekanı Prof. Dr. Dilek Altun tərəfindən seminar keçirilib.  

Seminarda iki əsas mövzu ətrafında iştirakçılarla ətraflı müzakirələr aparılıb. Prof. Hartman Douglas Tədris və təlimi gücləndirən süni intellektlə zənginləşdirilmiş peşəkar inkişafın dizayn edilməsi ("Designing AI-enhanced professional development that empowers teaching and learning") mövzusunda təqdimatla çıxış edib. Ardınca Prof. Dr. Dilek Altun “Hesablama təfəkkürü: Oyun, nümunələr və problem həlli - məktəbəqədər siniflərdə hesablama təfəkkürünün inkişaf etdirilməsi” ("Computational thinking: Play, patterns, and problem-solving: Developing computational thinking in preschool classrooms") adlı təqdimatını tələbələrlə bölüşüb.

Seminar iştirakçıları - professor-müəllim heyəti, tədqiqatçılar və tələbələr  müasir təhsildə süni intellektin rolu və hesablama düşüncəsinin erkən uşaqlıq dövründə inkişafı kimi aktual mövzularda dəyərli bilik və təcrübə əldə ediblər. Seminar fikir mübadiləsi ilə yekunlaşıb.