2025-ci il aprelin 30-da Xəzər Universitetinin fakültə dekanları, təhsil departamenti və Beynəlxalq əlaqələr şöbəsinin əməkdaşlarının iştirakı ilə Miçiqan Dövlət Universitetindən (ABŞ) Prof. Dr. Hartman Douglas Keith və Boğaziçi Universitetinin (Türkiyə) professoru Prof. Dr. Dilek Altun ilə görüş keçirilib.

Görüşdə Xəzər Universiteti nümayəndələri və qonaqlar təmsil etdikləri universitetlər barədə ətraflı məlumat veriblər. Mişiqan Dövlət Universitetinin Təhsil Departamentinin Müəllimlərin Hazırlığı üzrə professoru Dr. Hartman Douglas tərəfindən Mişiqan Dövlət Universiteti barədə təqdimat nümayiş etdirilib.

Xəzər Universiteti, Boğaziçi Universiteti və Mişiqan Dövlət Universiteti arasında tərəfdaşlığın və əlaqələrin gücləndirilməsi məsələləri  müzakirə olunub, növbəti addımlarla bağlı fikir mübadiləsi aparılıb. Bundan əlavə, təhsil müəssisələri arasında əməkdaşlıq imkanları, birgə elmi tədqiqatlar, akademik proqramlar və tərəfdaşlıq imkanları görüşün əsas müzakirə mövzuları olub.

Tədbirin sonunda isə xatirə şəkilləri çəkilib.