2025-ci il  mayın 14-də Dillər və ədəbiyyatlar departamentinin Dillər bölməsinin koordinatoru Dr. Sevinc Qəmbərova Bakı Dövlət Universitetində Ümumilli Lider Heydər Əliyevin anadan olmasının 102 illiyi münasibətilə “Azərbaycan filoloji fikri çağdaş tədqiqatlarda” mövzusunda keçirilmiş  elmi konfransda iştirak etmişdir.

Dr. Sevinc Qəmbərovanın “Türk dillərində ahəng qanununun ifadə formaları” mövzusunda etdiyi məruzə maraqla qarşılanmış, suallar verilmişdir. Məruzəçi türk dillərinin dəmir qanunu hesab edilən ahəng qanununun növləri (palatal, labial), işlənmə arealı, qədim türk yazılı abidələrinin dilində ahəngin möhkəmliyi, saitlərin ahənginə görə müəyyən samitlərin iki variantda işlənməsi, müasir türk dillərində və dialektlərində bu qanunun hansı formalarda qorunub saxlanıldığı və s. barədə bəhs etmişdir.