2025-cü il mayın 7-8-də  Türkiyənin İstanbul şəhərində Marmara Grupu Vəqfi 28-ci Avrasiya İqtisadi Zirvə toplantısı keçirmişdir. Zirvə toplantısında dünyanın 30 ölkəsindən 11 sabiq prezident olmaqla 850-dən artıq nümayəndə iştirak edirdi. Zirvə toplantısına Xəzər Universitetinin İctimai əlaqələr və media üzrə direktoru Əlövsət Əmirbəyli də dəvət olunmuşdu.

 Toplantını giriş sözü ilə Marmara Grupu Vəqfinin başqanı Akkan Suver açaraq,  sabiq dövlət başçılarını və bütün qonaqları salamladı.  Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyevin Zirvə toplantısının iştirakçılarına ünvanlanmış məktubları oxundu.

Zirvə toplantısının 1-ci günü Türkiyə xarici işlər nazirinin müavini Mehmet Kemal Bozay, Şimali Makedoniya maliyyə naziri Gordana Dimitrevska-Kosovska, İstanbul valisi Davud Gül, Nobel mükafatçısı (2015) Prof. Aziz Sancar və digərləri çıxış etdilər.

Zirvə toplanrısının ilk günü keçirilən iclasında dünyanın 7 ölkəsindən 35-dən artıq dövlət, bələdiyyə və qeyri-hökümət təşkilatlarının nümayəndələrinin müxtəlif mövzularda məruzələri təqdim olundu. Xəzər Universitetinin İctimai əlaqələr və media üzrə direktoru Ə. Əmirbəyli həmin iclasın katibliyinə seçilmişdir.

Zirvə toplantısının sonuncu günü sabiq prezidentlər Abdullah Gül (Türkiyə), Emil  Konstantinescu (Rumıniya), George İvanov (Şimali Makedoniya), İvo Josipovic və Stjepan  Mesic (Xorvatiya), Vaclav Klaus (Çexiya), Petru Luçinski (Moldova), Moncef Marzouki (Tunis) və digərləri çıxış edərək, son dövrdə dünyada yaranmış vəziyyətlə bağlı ölkələrinin mövqelərini bildirdilər.

Zizrvə toplantısının sonunda xatirə şəkilləri çəkildi. Marmara Grupu Vəqfi  tərəfindən xarici ölkə rəhbərlərinin və qonaqların şərəfinə ziyafət verildi.