2025-ci il mayın 2-də Kimya və kimya mühəndisliyi departamentinin kimya mühəndisliyi və kimya müəllimliyi ixtisasında təhsil alan tələbələri üçün “SOCAR Polymer” zavoduna ekskursiya təşkil edilmişdir. Tələbələr zavodun əsas əməliyyat sahələri, o cümlədən idarəetmə otağı, laboratoriya və qablaşdırma bölmələri ilə tanış olublar.

Ekskursiya zamanı “SOCAR Polymer” zavodunun mütəxəssisləri sənaye proseslərində istifadə olunan avadanlıqlar haqqında ətraflı izahatlar vermiş və zavodun gündəlik fəaliyyəti ilə bağlı praktiki məlumatları tələbələrlə bölüşmüşlər. Mütəxəssilər, həmçinin, tələbələrin suallarını cavablandıraraq. onların tədris zamanı öyrəndikləri nəzəri biliklərin istehsalat şəraitində tətbiqi haqqında fikir mübadiləsi aparmışlar.