2025 - ci il mayın 11-də Xəzər Universitetinin humanitar, təhsil və sosial elmlər fakültəsinin Tarix müəllimliyi (I kurs) və Tarix-coğrafiya müəllimliyi (III kurs) ixtisasında təhsil alan tələbələri Tarix və arxeologiya departamentinin müəllimi Dr. Yaqub Məmmədovun rəhbərliyi ilə Qobustan Dövlət Tarixi-Bədii Qoruğuna ekskursiya səfəri ediblər.

Dr. Yaqub Məmmədov tələbələrə Qobustan abidəsinin tədqiqi, dünyada yeri haqqında ətraflı məlumat verib. Abidə ilə əyani tanışlıq tələbələr tərəfindən maraqla qarşılanıb.

Qeyd etmək lazımdır ki, muzeylərlə tanışlıq tələbələrin əldə etdikləri nəzəri biliklərin möhkəmləndirilməsinə xidmət edir və bu iş mütəmadi təşkil olunur.