2025-ci il aprelin 22-də Litva Respublikasının Azərbaycandakı səfiri və səfirliyin əməkdaşı Xəzər Universitetinə səfər ediblər.

Görüş Xəzər Universitetinin rektor vəzifəsini icra edən Prof. Məhəmməd Nuriyev, departament müdirləri və Beynəlxalq əlaqələr şöbəsinin əməkdaşlarının iştirakı ilə keçib.

Görüş zamanı Litva Respublikasının Azərbaycandakı səfiri Kęstutis Vaškelevičius və səfirliyin müşaviri, missiya rəhbərinin müavini Viktoras Dagilis ilə Xəzər Universitetinin nümayəndələri arasında tərəfdaşlıq və əməkdaşlığın gücləndirilməsi məsələləri müzakirə olunmuş, növbəti addımlarla bağlı fikir mübadiləsi aparılmışdır. Bundan əlavə, Xəzər Universiteti ilə Litva universitetləri arasında akademik mübadilə, birgə tədqiqat layihələri və qarşılıqlı maraq doğuran sahələrdə əməkdaşlıq imkanları nəzərdən keçirilmişdir.

Görüşün sonunda hədiyyələr təqdim edilib və xatirə şəkilləri çəkilib.