2025 - ci il  aprelin 27-si və mayın 4-də Xəzər Universitetinin Təbiət elmləri və mühəndislik fakültəsinin I kurs tələbələri Tarix və arxeologiya departamentinin müəllimi Dr. Yaqub Məmmədovun rəhbərliyi ilə Qobustan Dövlət Tarixi-Bədii Qoruğuna ekskursiya səfəri ediblər.

Ekskursiya zamanı Dr. Yaqub Məmmədov tələbələrə Qobustanın arxeoloji cəhətdən öyrənilməsi və muzeydə saxlanılan arxeoloji nümunələr haqqında geniş məlumat verib. Eləcə də, tələbələrlə qayalar üzərində yüzlərlə piktoqrafik nümunələr, onların çəkilmə texnilkaları və dünyada yeri haqqında müzakirələr aparılıb.

Qeyd etmək lazımdır ki, muzeylərlə tanışlıq tələbələrin əldə etdikləri nəzəri biliklərin möhkəmləndirilməsinə xidmət edir və bu iş mütəmadi təşkil olunur.