2025-ci il mayın 1-də Xəzər Universitetinin Humanitar, təhsil və sosial elmlər fakültəsinin II kurs tarix-coğrafiya müəllimliyi ixtisasının tələbələri Tarix və arxeologiya departamentinin kordinatoru Dr. Söhrab Mustafayevin və həmin departamentin müəllimi, arxeoloq Orxan Zamanovun təşkilatçılığı ilə AMEA Arxeologiya və Antropologiya İnstitunun mütəxəssisləri ilə tələbələrin qədim sivilizasiyalarla  bağlı problemə həsr olunmuş görüşləri davam etdi.

Xəzər Universitetinin Nərimanov korpusunda təşkil olunan mütəxəssis dərsində AMEA Arxeologiya və Antropologiya İnstitutunun “Azərbaycanın ilk orta əsrlər dövrü arxeologiyası” şöbəsinin elmi işçisi Məcid Məcidzadənin “Qədim Roma cəmiyyətində və mədəniyyətində qullar və qladiatorların yeri” adlı mühazirəsi dinlənildi.

Mühazirəçi Qədim Roma cəmiyyətində quldarlıq münasibətlərinin kökləri, formalaşması, sosial-ictimai və mədəni təzahürləri, eləcə də, qul üsyanları və qladiatorlarlar haqqında bəhs etdi, çoxsaylı sualları cavablandırdı. Xüsusi maraqla qarşılanan mühazirənin sonunda geniş müzakirə aparıldı.