Xəzər Universitetində beynəlxalq əməkdaşlıq imkanlarının genişləndirilməsi məqsədilə 2025-ci il aprelin 29-da Vigo Care MMC şirkətinin nümayəndələri ilə görüş keçirildi. Sözügedən şirkət ərəb ölkələrindən olan tələbələrin Azərbaycanda yerləşən ali təhsil müəssisələrinə cəlb edilməsi ilə məşğul olur.

Görüşdə Vigo Care MMC-nin Baş meneceri Xalid Əl-Baroudi və İcraçı menecer Tofik Həsənzadə, Xəzər Universitetindən isə  Beynəlxalq əlaqələr şöbəsinin müdiri Fatimə Vəliyeva, şöbənin koordinatoru Jalə Məmmədova və Beynəlxalq əlaqələr üzrə (ərəb dünyası) rektorun müşaviri Əhməd Elaydi iştirak ediblər.

Görüş zamanı, tərəfdaşlıq imkanları və əməkdaşlığın mümkün istiqamətləri müzakirə olunub. Ərəb ölkələrindən Xəzər Universitetinə tələbə cəlb edilməsi, onların yerləşdirilməsi və yaşayış məsələlərinin təşkili, eləcə də gələcəkdə birgə layihələrin icrası haqqında geniş müzakirələr aparılıb.