2025-cü il aprelin 24-də Xəzər Universiteti Dillər və ədəbiyyatlar departamentinin təşkilatçılığı ilə Kafkas Universitetinin (Türkiyə, Kars) müəllimi Dr. Könül Qulusoyun Türkiyədə çap  olunmuş “Azerbaycan edebiyatında tarihi roman” kitabının təqdimatı keçirildi. Tədbirdə Dillər və ədəbiyyatlar departamentinin əməkdaşları, filologiya, tarix müəllimliyi ixtisaslarının tələbələri, AMEA Ədəbiyyat İnstitutunun professoru B. Əhmədov, Folklor İnstitundan Əli Şamil, görkəmli yazıçı, ədəbiyyatşünas Əzizə Cəfərzadənin oğlu Turan İbrahimov və digər universitetlərdən gələn qonaqlar iştirak edirdilər.

Tədbiri Dillər və ədəbiyyatlar departamentinin müdiri Dos. Dilbər Zeynalova açaraq, kitabını filologiya və tarix ixtisaslarının tələbələri üçün əhəmiyyətli olduğunu qeyd etdi. Dr. Könül Qulusoy apardığı geniş tədqiqatın nəticəsi olan kitabının hansı zərurətdən yazılması haqqında fikirlərini bildirərək, məzmunu və fəsilləri haqqında geniş məlumat verdi. Sonra Prof. Bədirxan Əhmədov, Turan İbrahimov, Dos. Zivər Hüseynli Baylan və digər qonaqlar  sözügedən kitabın Azərbaycanda və Türkiyədə  faydalı olacağını qeyd etdilər.

Sonda müəllif Dr. Könül Qulusoy “Azerbaycan edebiyatında tarihi roman” kitabını Xəzər Universitetinin kitabxanasına hədiyyə etdi.