2025-ci il aprelin 23-də Xəzər Universiteti Kitabxana İnformasiya Mərkəzinin təşkilatçılığı ilə “23 Aprel-Ümumdünya Kitab və Müəlliflik Hüququ Günü” münasibətilə tədbir keçirildi.

Tədbiri giriş sözü ilə Kitabxana İnformasiya Mərkəzinin direktor müavini Aytac Misgərli açaraq, bu günün tarixi, yaranması, əhəmiyyəti haqqında məlumat verdi. Qeyd etdi ki, bu barədə qərar 1995-ci ildə Parisdə UNESCO-nun Baş konfransında qəbul edilib. 1996-cı ildən etibarən isə bu əlamətdar gün bütün dünyada qeyd olunur.

Tədbirdə tələbələr və kitabxana əməkdaşlarının iştirakı ilə kitabın yaranma tarixi, keçdiyi yol, kitabın müasir dövrdə vacibliyi, xususən tələbələrin həyatında  rolu haqqında geniş müzakirə aparıldı.