2025-ci il  aprelin 17-də  Azərbaycan Texnologiya Universitetində (Gəncə) Azərbaycan Respublikasının Gənclər Fondu və İnnovasiya və Rəqəmsal İnkişaf Agentliyinin dəstəyi ilə “GreenTech II” Startap və Yaşıl Texnologiyalar Müsabiqəsinin final mərhələsi keçirilib.

Müsabiqədə respublikanın 30 ali təhsil müəssisəsindən ümumilikdə 80 komanda iştirak edib. Komandalar “Rəqəmsal ekologiya”, “Robototexnika”, “Yaşıl nəqliyyat texnologiyaları” və “Davamlı inkişaf üçün sosial innovasiyalar” olmaqla 4 əsas kateqoriya üzrə I, II, III və həvəsləndirici yerlər uğrunda mübarizə aparıblar.

Xəzər Universitetinin Kimya mühəndisliyi ixtisasında təhsil alan 3-cü kurs tələbələri Cavidan Şükürov, Nihat Məmmədli və Rəna Əsgərova müsabiqədə uğurla iştirak edərək, “Rəqəmsal ekologiya” kateqoriyası üzrə 3-cü yerə layiq görülüblər.

Tələbələrin təqdim etdiyi layihə rəqəmsal texnologiyaların ekoloji tarazlığa uyğun istifadəsi və ətraf mühitin qorunması baxımından innovativ yanaşması ilə fərqlənmişdir. Müsabiqə zamanı komanda öz ideyasını sərgi formatında iştirakçılara və münsiflər heyətinə təqdim etmişdir.

Qalib komandalar sertifikat və hədiyyələrlə təltif olunublar.