2025-ci il aprelin 18-də Xəzər Universitetinin Kitabxana İnformasiya Mərkəzinin əməkdaşları ilə DataCite təşkilatının Yaxın Şərq və Asiya üzrə regional əlaqə  mütəxəssisi Mohammad Mustafa arasında onlayn görüş keçirildi.

Görüşdə DataCite təşkilatı haqqında məlumat verildi. DataCite tədqiqat nəticələrini və resursları birləşdirərək, tədqiqatın effektivliyini təmin edən beynəlxalq qeyri-kommersiya təşkilatıdır.  DOI və metadata qeydlərinin yaradılmasını və idarə olunmasını dəstəkləyərək, tədqiqat nəticələrinin və resurslarının aşkar edilməsinə və təkrar istifadəsinə imkan verir. İnternetdə elmi məlumatlara daha asan çıxışı təmin edir, elmi məlumatların tanınmasını artırır. DataCite təşkilatına 57 ölkədən 1508  müəssisə üzvdür. 

Görüşdə  Xəzər Universitetinin  Elektron Arxivi ilə əlaqədar məsələlər müzakirə edildi. 

Görüş zamanı DataCite nümayəndəsi Xəzər Universitetinin Dspace (Elektron Arxiv) kolleksiyasının strukturu və zənginliyini, o cümlədən arxivə daxil olan bölmələrin düzgün sıralanmasını, materialların açıq və əlçatan olmasını yüksək qiymətləndirdi.

Sonda tərəflər arasında əməkdaşlığın qurulması barədə müzakirələr aparıldı.