2000-2005-ci illərdə Xəzər Universitetində «Neft mühəndisliyi» ixtisası üzrə bakalavriat pilləsini bitirmiş Hüseynov Ayaz Məhəmməd oğlu Bakı Şəhər İcra Hakimiyyəti başçısının müavini vəzifəsinə təyin edilmişdir. O, 2007-2010-cu illərdə Azərbaycan Dövlət Neft və Sənaye Universitetində “İstehsalın və əməliyyatların menecmenti” ixtisası üzrə magistr təhsili almışdır.
Əmək fəaliyyətinə 2004-cü ildə “Dəmir-beton məmulatları” zavodunda usta kimi başlamışdır. Sonra mühəndis və texniki plan istehsalat şöbəsinin rəis müavini vəzifələrində çalışmışdır.

2005-2006-cı illərdə həqiqi hərbi xidmətdə olmuşdur. Hərbi xidmətdən sonra 2006-2007-ci illərdə “Xəzərdənizneftqaztikinti” trestinin istehsalat planı şöbəsinin, ardınca texniki istehsalat şöbəsinin rəis müavini vəzifələrində əmək fəaliyyətini davam etdirmişdir. 2007-2008-ci illərdə Azərbaycan Respublikası Dövlət Neft Şirkətinin (ARDNŞ) Sərmayələr İdarəsində əvvəlcə mütəxəssis, daha sonra mühəndis vəzifələrində çalışmışdır. 2010-cu ildən 2018-ci ilədək ARDNŞ-nin baş ofisində müxtəlif vəzifələrdə işləmişdir. 2018-ci ildən Bakı Şəhər İcra Hakimiyyəti aparatında Şəhər təsərrüfatı şöbəsinin müdiri vəzifəsində çalışmışdır.
Bəzi saytlar bu barədə xəbər yayımlamışlar.

https://baku-ih.gov.az/az/ih-bascisinin-muavinleri.html