2025-ci il aprelin 15-də Xəzər Universitetində Tarix və arxeologiya departamentinin müdiri Dos.Telman Nüsrətoğlunun tədris etdiyi Türk Dövlətləri və Mədəniyyətləri Tarixi fənni çərçivəsində xüsusi dərs təşkil olunub. Dərs Türkiyədən dəvət olunmuş Dr. Hayri Şenerin iştirakı ilə keçirilib. 

Dərsdə Türk dünyasının Aralıq dənizi hövzəsindəki strateji nöqtəsi olan Şimali Kipr Türk Cümhuriyyətinin tarixi və siyasi əhəmiyyəti geniş şəkildə araşdırılıb.. Dr. Hayri Şener və Dos.Telman Nüsrətoğlu tarixdən günümüzə qədər olan dövrü əhatə edən “Kıbrıs dosyası”nı tələbələrlə birlikdə açaraq, adanın türk dünyası üçün daşıdığı strateji və mədəni əhəmiyyəti vurğulayıblar.

Dərs interaktiv şəkildə davam edib. Tələbələr öz suallarını verərək, Kipr məsələsinin tarixi kökləri, beynəlxalq hüquqi aspektləri və gələcək perspektivləri haqqında ətraflı məlumat alıblar.