2025-ci il aprelin 8-də Xəzər Universitetində Həyat elmləri departamentinin təşkilatçılığı ilə “Xroniki xəstəliklərdə və əməliyyatdan sonrakı dövrdə xəstələrin skelet əzələ hüceyrələrində iltihab reaksiyasının təşviq edilməsi və əzələ itkisinin baş vermə mexanizmi” mövzusunda seminar keçirilmişdir.

Seminarda “2019–2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə xaricdə doktorantura təhsili” proqramı çərçivəsində Azərbaycan Respublikasının Elm və Təhsil Nazirliyi və Xəzər Universiteti ilə üçtərəfli müqavilə əsasında Imperial College London-da molekulyar tibb ixtisası üzrə tədqiqat aparan Nərmin Axundova çıxış edərək, bu sahədə apardığı araşdırmaların nəticələrini iştirakçılarla bölüşmüşdür.

Seminarda Xəzər Universitetinin Həyat elmləri departamentinin professor-müəllim heyəti və tələbələri iştirak etmişdir. İştirakçılar əzələ itkisində mikroRNA-ların rolu, əzələ itkisi ilə bağlı yaranan klinik problemlər və bu istiqamətdə aparılan yeni elmi araşdırmalar barədə suallar verərək, mövzu ətrafında maraqlı və elmi müzakirələr aparıblar.