2025-ci il aprelin 10-da Xəzər Universitetinin Fizika və elektronika departamentinin doktorantı Babək Emdadi`nin “Kvant nöqtəli nanohissəciklərin sintezi, xarakteristikası və onların fotonik cihazlarda tətbiqi” mövzusunda “Nanotexnologiya və nanomateriallar” ixtisası üzrə fəlsəfə doktoru elmi dərəcəsi almaq üçün təqdim etdiyi dissertasiya işinin ilkin müzakirəsi keçirildi.

Müzakirədə doktorantın elmi rəhbəri Əhməd Asimov, dissertasiya işinin ilkin müzakirəsi üçün ixtisasa uyğun rəyçilər, Elm və Təhsil nazirliyinin Fizika İnstitutunun əməkdaşları, departamentin professor-müəllim heyəti, Təbiət elmləri, sənət və texnologiya yüksək təhsil fakültəsinin dekanı Günel Bahəddinova və Təbiət elmləri və mühəndislik fakültəsinin dekanı Fəxrəndə Əlimərdanova iştirak edirdilər.

İclasın sədri, Fizika və elektronika departamentinin müdiri Dos. Fəridə Tatardar iclası açandan  sonra iclasın katibi Sevinc Quluzadə iddiaçı haqqında ümumi məlumat verdi. Ardınca doktorant Babək Emdadi dissertasiya işinin qısa məzmununu müzakirə iştirakçılarının diqqətinə çatdırdı.

Müzakirə sual-cavab sessiyası və çıxışlarla davam etdi.  Sonda Babək Emdadi`nin dissertasiya işinin növbəti mərhələyə buraxılması barədə qərar qəbul olundu.