2025-ci il  martın 14-də  Xəzər Universiteti Latviyanın keçmiş prezidenti Andris Berzins,  Latviyanın Azərbaycandakı səfiri Edqars Skuja, Latviya səfirliyinin mədəniyyət, təhsil və iqtisadi məsələlər üzrə müşaviri Elmira Mirzəyeva və keçmiş prezidentin assisteni Daina Bāre`ni qəbul edib.

Xəzər Universiteti tərəfindən görüşdə universitetin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, Rektor vəzifəsini icra edən Prof. Məhəmməd Nuriyev, İqtisadiyyat və menecment fakültəsinin dekanı Dr. Raziyə İsaeva, İqtisadiyyat və biznes yüksək təhsil fakültəsinin dekanı Prof. İnqilab Əhmədov, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, Təbiət elmləri, sənət və texnologiya yüksək təhsil fakültəsinin dekanı Dr. Günel Bahəddinova, Humanitar, Təhsil və Sosial Elmlər fakültəsinin Dekan vəzifəsini icra edən Aygün Verdiyeva, Keyfiyyətin Təminatı Mərkəzinin direktoru Lyudmila Sotova, Siyasi elmlər və fəlsəfə departamentinin müdiri Dr. Orxan Vəliyev  və Beynəlxalq əlaqələr şöbəsinin müdiri Fatimə Vəliyeva iştirak ediblər.

Görüşdə ikitərəfli əlaqələrin qurulması istiqamətində müzakirələr aparılıb. Latviyanın qabaqcıl universitetləri ilə əməkdaşlığın inkişaf etdirilməsində dəstəyin göstəriləcəyi qeyd olunub.

Xəzər Universiteti haqqında təqdimat nümayiş etdirilərək, ətraflı məlumat verilib.

Sonra xatirə şəkli çəkildi və hədiyyələr təqdim olundu.