2025-ci il martın 19-da Xəzər Universitrtində Novruz şənliyi keçirildi. Tədbirdə universitetin rəhbərliyi və əməkdaşları, tələbələr və türkiyəli qonaqlar - Marmara Universitetindən Dos. Mehdi Gəncəli, Sağlık Bilimleri Universitetindən  Dos. Resul Köse, Pamukkale Universitetindən  Dr. Orhan Baldane və İstanbul Universitetindən Dr. Nihad Nəsirzadə iştirak edirdilər.

Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı çıxış edərək, şənlik iştirakçılarını təbrik etdi, onlara şəxsi həyatlarında, təhsil və fəaliyyətlərində uğurlar arzuladı. Qeyd etdi ki, Xəzər Universitetinin yaranması da 1991-ci il martın 18-də rəsmiləşdiyinə görə Novruz günlərinə təsadüf etdiyi üçün əlamətdardır. Sonra Hamlet İsaxanlı Bayram tonqalını alovlandırdı və şənlik başladı.

Universitetin tələbə qızlardan ibarət rəqs qrupu (bədii rəhbər Səbinə İsmayılova), universitetin müəllimləri aşıq Ramin Qarayev və müğənni  Məhsəti Azaflı konsert proqramı təqdim etdilər.

Bayram şənliyi tələbələrin tonqal ətrafında kütləvi rəqsi ilə davam etdi və xoş əhval-ruhiyyə ilə başa çatdı.