2025-ci il martın 8-də Beynəlxalq Muğam Mərkəzində Fikrət Əmirov I Ümumrespublika Musiqi Festivalı çərçivəsində Xəzər Universiteti Kamera orkestrinin konserti oldu. Konsertdə həm Kamera orkestrinin bədii rəhbəri, Xəzər Universiteti Musiqi və incəsənət departamentinin müdiri, əməkdar müəllim, tanınmış pianoçu Zülfiyyə Sadıqovanın müşayiəti, həm də orkestrin müşayiəti ilə Fikrət Əmirovun əsərləri ifa olundu. Konsertdə səsləndirilən əsərləri kamera orkestri üçün işləyən bəstəkar Sevda Rəhimovadır.

Beynəlxalq Muğam Mərkəzinin solistləri – Kamilə Nəbiyeva  “Gecə keçdi”, Ayşən Mehdiyeva “Lay-lay”, Azərbaycan Dövlət Akademik Opera və Balet Teatrının solisti Günel Hacıyeva “Gülüm”,  əməkdar artist Əliəhməd İbrahimov “Evləri var xana-xana” mahnılarını, Nigar Əsgərova “Azərbaycan elləri”, İbrahim Quliyev “Gülərəm gülsən”, Nuray Şuşalı “Mən səni araram”, Nurlan Gəncili qoboy və fortepiano üçün “Qızların rəqsi”ni ifa etdilər. Sonda ”Min bir gecə” baletindən  “Şəhrizadın bayramı” ifa olundu.

Konsert tamaşaçıların alqışları ilə başa çatdı.