2025-ci il martın 11-də Xəzər Universitetinin Dillər və ədəbiyyatlar departamentinin müəllimi Dos. Aynur Qəzənfərqızı dərsdə Novruz adətlərini tətbiq etdi.

Müəllim əvvəlcə  tələbələrə Novruz bayramının zəngin adət ənənələri barədə ümumi məlumat verdi. Sonra bu adətləri dərs mövzusuna uyğun şəkildə tətbiq etmək məqsədilə tələbələrinə vəsfi-hal mərasimini tanıtdı.

Vəsfi-hal Novruzun ənənəvi adətlərindən biridir. Bu mərasimdə hər bir iştirakçı özünə aid bir zinət əşyasını su dolu bir kasaya qoyur və kasanın üstü süfrə ilə örtülür. Ardınca bayatı oxunur və kasadan bir zinət əşyası seçilir. Seçilən əşya kimə məxsussa, bayatının mənası ilə əlaqələndirilərək, o şəxsə xas  təfsir edilir. 

Dos. Aynur Qəzənfərqızının bu tətbiqi tələbələrə həm Novruzun əhəmiyyətini daha yaxşı anlamalarına kömək etdi, həm də milli mədəniyyətə marağı artırdı.

Nigar Ələsgərli

Xəzər Universiteti, Azərbaycan dili və ədəbiyyatı müəllimliyi ixtisası,1-ci kurs