Xəzər Universiteti Tarix və arxeologiya departmentinin müəllimləri  Ülviyyə Səfərova və Dr.Yaqub Məmmədovun da həmmüəllifi olduqları “Human figurines in the Mesolithic-Neolithic transition of the South Caucasus: New evidence from the Damjili cave, Azerbaijan” (“Cənubi Qafqazın mezolit-neolit keçidində insan heykəlcikləri: Damcılı mağarasından yeni sübutlar”) adlı məqalə Web of Science (WOS) və SCOPUS bazalarına daxil, Q1 kateqoriyalı “Archaeological Research in Asia” jurnalının 2025-ci il 42-ci cildində çap olunmuşdur.

Məqalə Damcılı mağarasında aparılan tədqiqatlar zamanı əldə olunmuş nadir qum daşından hazırlanmış fiqura həsr olunmuşdur. Qeyd edək ki, Kür və onun qonşuluğunda məlum mezolit abidələrindən buna bənzər heç bir insan heykəlcikləri əldə edilməmişdir. Nümunə mezolit-neolit keçidi probleminin araşdırılması sahəsində çox böyük əhəmiyyətə malikdir.

 Məqalənin linki aşağıdadır.

https://www.sciencedirect.com/science/article/abs/pii/S2352226725000212