2025-ci il  martın 6-da Xəzər Universitetinin İqtisadiyyat və Menecment departamentinin təşkilatçılığı ilə "AGILE Yanaşmalar və Praktiki Tətbiqi" mövzusunda seminar keçirildi.

Seminarın qonaq spikeri SOCAR Downstream şirkətinin Biznes Prosesləri Supervayzerı Ülvi Əsədli idi. Təcrübəli mütəxəssis tələbələrə Agile metodologiyasının əsas prinsipləri, bu yanaşmanın müasir biznes mühitində tətbiqi və üstünlükləri haqqında ətraflı məlumat verdi.

Tədbir zamanı Ülvi Əsədli real iş təcrübəsindən nümunələr gətirərək, Agile-ın layihə idarəetməsində necə effektiv istifadə olunduğunu göstərdi. Xüsusilə Scrum və Kanban kimi populyar Agile metodlarının praktiki tətbiqinə diqqət yetirildi.

Seminarın interaktiv hissəsində iştirakçılar suallarını təqdim etdilər və müzakirələr aparıldı. Tələbələr əldə etdikləri nəzəri bilikləri təcrübədə necə tətbiq edə biləcəkləri barədə dəyərli məsləhətlər aldılar.