2025-ci il martın 3-də O.P. Jindal Qlobal Universitetinin (Hindistan) İnstitusional irəliləyiş və strateji qlobal əlaqələr ofisinin direktoru Rahul Bhandari və Reytinqlər, bençmarkinq və institusional transformasiya ofisinin baş meneceri Svapnil Bhosale ilə görüş keçirilmişdir.

Görüşdə Xəzər Universitetinin rektor vəsifəsini icra edən Prof. Məhəmməd Nuriyev, İdarəetmə və tələbə işləri üzrə prorektor Prof. İsaxan İsaxanlı, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, Təbiət elmləri, sənət və texnologiya yüksək təhsil fakültəsinin dekanı Dr. Günel Bahəddinova, İngilis dili və ədəbiyyatı departamentinin müdiri Dr. Milana Abbasova, Siyasi elmlər və fəlsəfə departamentinin müdiri Dr. Orxan Vəliyev və Beynəlxalq əlaqələr şöbəsinin müdiri Fatimə Vəliyeva iştirak ediblər.

Görüşdə ikitərəfli əlaqələrin qurulması istiqamətində müzakirələr aparılıb. Hər iki tərəf təmsil etdikləri universitetlər haqqında təqdimat nümayiş etdirərək, ətraflı məlumat veriblər.

Görüşün sonunda hədiyyələr təqdim olunub və xatirə şəkilləri çəkilib.