2025-ci il fevralın 27-də Bakı Yunus Əmrə İnstitutunun təşəbbüsü və Xəzər Universiteti Dillər və ədəbiyyatlar departamentinin təşkilatçılığı ilə Nərimanov kampusunda “Oxumaq, yazmaq və yaşamaq” adlı seminar keçirilib. Tədbirdə Bakı Yunus Əmrə İnstitutunun direktoru Güven Çolak, Dillər və ədəbiyyatlar departamentinin müəllim heyəti və universitet tələbələri  iştirak ediblər. Tədbiri giriş sözü ilə açan Dillər və ədəbiyyatlar departamentinin müdiri Dos. Dilbər Zeynalova iştirakçıları və qonaqları salamlayaraq, “Türkiyə və Türkoloji Konfranslar Silsiləsi”nin ilk tədbirinə ev sahibliyi etməkdən məmnunluğunu bildirib

Seminara Dillər və ədəbiyyatlar departamentinin müəllimi Dr. Semiha Özel Yaman  moderatorluq edib.

Əsas mövzu üzrə Bakı Yunus Əmrə İnstitutunun “Türkiyə və Türkoloji Konfranslar Silsiləsi” layihəsinin ilk qonağı  yazar Aykut Ertuğrul iştirakçıların, əsasən də tələbələrin diqqətini çəkən “yazarlıq necə formalaşır”, “əsər yazarkən nədən ilhamlanmaq olar”, yaradıcılığın psixologiyası və s. haqqında öz mülahizələrini bölüşüb.  Qeyd edək ki,  Aykut Ertuğrul`un 2013-cü ildə çap olunmuş “Mümkün öykülerin en iyisi” kitabı Türkiyə Yazarlar Birliyinin təsis etdiyi “Ən yaxşı hekayə kitabı” mükafatına layiq görülüb.

Seminarın davamında departamentin müəllimi Dos. Ülvi Babasoyun müzakirə edilən əsas mövzu ilə bağlı çıxışı dinləyicilərdə maraq oyadıb. Sonra  Aykut Ertuğrul tələbələri maraqlandıran sualları cavablandırıb.