2025-ci il fevralın 26-da AMEA-nın Arxeologiya və Antropologiya İnstitutunda Xəzər Univeristetinin dəvəti ilə Azərbaycanda olan Türkiyə Cümhuriyyətinin İzmir şəhərində yerləşən Ege Universiteti Ədəbiyyat Fakültəsinin  Tarix Öncəsi və Ön Asiya Arxeologiyası bölümünün müəllimi Prof. Dr. Çiler Çilingiroğlu`nun “Anadolunun Neolitləşməsi” adlı seminarı keçirilib.

Seminarda AMEA-nın Arxeologiya və Antropologiya İnstitutunun direktoru Dos.  Fərhad Quliyev başda olmaqla institut əməkdaşları, o cümlədən Xəzər Univeristeti Tarix və arxeologiya departamentinin müəllimləri Dr. Yaqub Məmmədov və Ülviyyə Səfərova iştirak ediblər. Dos. Fərhad Quliyev Anadoluda neolitləşmə barədə tədqiqatların son nəticələri barədə məlumatları bölüşmək üçün Xəzər Universiteti tərəfindən Prof. Dr. Çiler Çilingiroğlu`nun Azərbaycana dəvət edildiyini iştiakçıların diqqətinə çatdırıb.

 Prof. Dr. Çiler Çilingiroğlu  mühazirəsində Anadolu yarımadasındakı arxeoloji mədəniyyətlərin yerləşdiyi əraziy, landşaft, qədim dövrdəki ekoloji mühit və xronoloji ardıcıllığa görə fərqli xüsusiyyətlərindən bəhs edib. Təqribən e.ə. IX minilliyə aid Göbəklitəpə abidəsində e.ə. 8-ci minilliyin ikinci yarısına, yəni, erkən keramik neolit dövrünə aid Çatalhöyük abidəsində aparılan tədqiqatların son nəticələri barədə məlumat verib.

Seminar institut əməkdaşları ilə müzakirə formatında davam etdirilib.