2025-ci il fevralın 26-da  Xəzər Universitetinin Dillər və ədəbiyyatlar departamentinin təşkilatçılığı ilə universitetin Nərimanov kapmusunda “Köhnə çamadanlar” filminin nümayişi və yaradıcı heyətlə görüş keçirilib. Tədbiri giriş sözü ilə açan departamentin müdiri Dos. Dilbər Zeynalova qonaqları salamladıqdan sonra Xocalıda və ümumilikdə vətən uğrunda şəhid olanların xatirəsi yad olunub.

“Köhnə çamadanlar” filmində I və II Qarabağ müharibəsində insan taleləri (xüsusilə qadınların) və onların faciələrindən bəhs olunub. Filmin rejissoru Saida Haqverdiyeva, ssenari müəllifi Sevda Sultanovadır. Filmdə, həmçinin, II Qarabağ müharibəsinə aid real kadrlara və Zəfər Gününə də yer verilib. Rollarda Xalq artisti, ADMİU-nun professoru Məmmədsəfa Qasımov, Əməkdar artist Gülzar Qurbanova, aktrisalar Zemfira Əbdülsəmədova, Zümrüd Qasımova, Zülfiyyə Qurbanova, Ülviyyə Əliyeva, aktyorlardan Türkay Cəfərli, filmin ssenari müəlliflərindən Sevda Sultanova, görüntü rejissoru Şahmar Səfəroğlu,  filmin redaktoru Həmidə Rüstəmova və Oyuq teatr studiyası aktyorları iştirak ediblər.

Sonda film ətrafında müzakirə aparılıb.