Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı regionda insan resurslarının gələcəyi ilə bağlı fikirlərini bölüşmək və müzakirə etmək üçün 2025-ci il fevralın 22-də aparıcı HR ekspertlərini bir araya gətirən eksklüziv toplantı olan “AI Meets Humanity: Shaping Corporate Culture and Promoting Mental Well-Being. The Event for HR Community in Azerbaijan” konfransında dəvətli məruzəçi kimi çıxış etmişdir.

Prof.Akad. İsaxanlı “Intelligence that Changes the World / Dünyanı Dəyişən İntellekt” adlı çıxışında süni intellekt və insan zəkasının inkişaf edən əlaqələri haqqında fikirlərini bölüşüb. Müasir iş yerlərinin formalaşmasında süni intellektin rolunu və onun cəmiyyət üçün təsirlərini araşdıraraq, texnoloji innovasiyaların insan mərkəzli dəyərlərlə balanslaşdırılmasının vacibliyini vurğulayıb.

Tədbirdə digər görkəmli natiqlərlə yanaşı Vivek Arora (SHRM-də MENA Regionunun idarəedici direktoru), Kęstutis Vaškelevičius (Litvanın Azərbaycandakı səfiri), Laura Həmidova (FireWorks HRM-nin təsisçisi və direktoru) və Mayis Əliyev (hüquq elmləri doktoru, professor) çıxış ediblər.

Xəzər Universitetinin İqtisadiyyat və menecment fakültəsinin dekanı Dr. Raziyə İsayeva da  tədbirdə iştirak etmişdir.