2025-ci il fevralın 26-da Xəzər Universitetində Tarix və arxeologiya departamentinin təşkilatçılığı ilə Xocalı faciəsinin 33-cü ildönümü münasibətilə anım tədbiri keçirildi. Tədbirdə Tarix və arxeologiya departamentinin müəllimi Dr. Söhrab Mustafayev və  Bakı Dövlət Universitetinin  Azərbaycan tarixi (humanitar fakültələr üzrə) kafedrasının dosenti Boran Əzizli çıxış etdilər. Çıxışlarda Xocalı hadisələrinin mahiyyəti, xalqımızın milli müstəqillik və ərazi bütövlüyümüz uğrunda sərgilədiyi mübarizə ruhu, xalqımıza qarşı törədilən vəhşiliklər qeyd olundu.

Tədbirdə universitetin müəllim heyəti və tələbələr iştirak etdilər.