2025-ci il fevralın 17-də Xəzər Universitetində "Qlobal təhsil trendləri və yeni istiqamətlər" mövzusunda seminar keçirilmişdir. Seminarın spikeri  Xəzər Universiteti Beynəlxalq və Qlobal Ali Təhsil Araşdırmaları Mərkəzinin direktoru Prof. Dr. Engin Karadağ idi.

Tədbir İqtisadiyyat və menecment fakültəsinin dekanı Dr. Raziyə İsayevanın açılış nitqi ilə başlanmışdır.  Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı çıxış edərək, belə seminarların əhəmiyyətini vurğulaymış, Prof. Dr. Engin Karadağ`a təşəkkürünü bildirmişdir.

Engin Karadağ dünyanın müxtəlif universitetlərində baş verən son inkişaf, çətinlik və innovasiyalar haqqında çıxış etmişdir. O, ali təhsilin gələcəyinə təsir edən əsas tendensiyalar, yeni tədris metodları və strategiyalar barədə danışmışdır. Seminarda ali təhsilin gələcəyi haqqında biliklər əldə etməyin və yaranan çətinliklərə hazırlıqlı olmağın zəruriliyi vurğulanmışdır.