Təbiət elmləri və mühəndislik fakültəsinin tələbələri -  Aysu Məmmədli (Elektrik və elektronika mühəndisliyi, 3-cü kurs) və Leyla Yusifzadə (Kimya mühəndisliyi, 3-cü kurs) Clima Tech & Sustainability Hackathon - Baku 2025 çərçivəsində AirVive layihələri ilə 2-ci yerin qalibi olublar.

Hackathon İnnovasiya və Rəqəmsal İnkişaf Agentliyi, Transformation Lighthouse və Impulse 4Women şirkətləri tərəfindən təşkil edilib və 2025-ci il fevralın 8-9-da baş tutub. Yarış iştirakçılara iqlim texnologiyaları və davamlı inkişaf sahəsində innovativ həllər üzərində işləmək və daha sağlam, dayanıqlı bir gələcək üçün öz baxışlarını təqdim etmək imkanı yaradıb.

AirVive layihəsi  ağıllı hava təmizləyicisi olaraq dizayn edilib və havanın keyfiyyətini ölçərək müvafiq təmizləmə proseslərini avtomatik həyata keçirmə funksiyasına malikdir. Bu innovativ həll ekoloji problemlərin həllinə töhfə vermək və insanların daha sağlam bir mühitdə yaşamasına dəstək olmaq məqsədi daşıyır.