Xəzər Universitetinin məzunu Rüfət Mahmud Azərbaycan Prezidentinin 13 fevral 2025-ci il tarixli sərəncamı ilə "İçərişəhər" Dövlət Tarix-Memarlıq Qoruğu İdarəsinin İdarə Heyətinin sədri təyin edilib. Qeyd edək ki, qurumun sabiq sədri Şahin Seyidzadə Milli Məclisin deputatı seçildiyinə görə vəzifəsindən azad olunmuşdu.
1975-ci ildə anadan olan Rüfət Mahmud 1992-1997-ci illərdə Xəzər Universitetinin bakalavr pilləsini, 2000-2002-ci illərdə Dövlət İqtisad Universitetində təhsilinin magistratura pilləsini bitirib.
2006-2007-ci illərdə ABŞ-ın Sirakuza Universitetinin (Nyu York) Vətəndaşlıq və İctimai Əlaqələr Məktəbində ("Maxwell School") təhsilini davam etdirib.
2001-2006-cı illərdə İqtisadiyyat Nazirliyində şöbə müdiri vəzifəsində çalışıb.
2007-ci ildə Dünya Bankında məsləhətçi, 2008-2009-cu illərdə İqtisadiyyat Nazirliyində departament rəhbəri olub.
2009-2010-cu illərdə Beynəlxalq Valyuta Fondunda işləyən R.Mahmud 2009-2018-ci illərdə Azərbaycan Mühasiblər və Risk Peşəkarları Assosiasiyasının (ARPA) Müşahidə Şurasının sədri vəzifəsində çalışaraq, eyni zamanda, Təhsil Nazirliyinin tabeliyində fəaliyyət göstərən "Maarifçi" Tələbə Kredit Fondunun icraçı direktoru işləyib.
2019-2022-ci illərdə Dövlət Şəhərsalma və Arxitektura Komitəsi sədrinin müşaviri vəzifəsində çalışıb.
2023-cü ilin yanvarında Dövlət Neft Şirkətinin Rusiyadakı törəmə şirkəti "SOCAR RUS"-un baş direktoru təyin olunaraq, yeni təyinatadək həmin vəzifəni icra etmişdir.
Ölkə saytları bu barədə xəbər yayımlayıb:
https://qafqazinfo.az/news/detail/yuksek-vezifeye-teyin-edilen-rufet-mahmud-kimdir-461746
https://lent.az/xeber/bioqrafiya/prezidentin-sedr-teyin-etdiyi-rufet-mahmud-kimdir-dosye-40629680
https://protest.az/olke/4240-cherisheherin-yeni-rehberi-kmdr.html və s.
Copyright © Xəzər Universiteti, 2025
