2025-ci il  fevralın 12-də Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı və Siyasi elmlər və fəlsəfə departamentinin müdiri Dos. Orxan Vəliyev Türkiyə Respublikasının Azərbaycana yeni təyin olunmuş fövqəladə və səlahiyyətli səfiri Prof. Birol Akgün`lə görüşmüşlər. Görüşdə səfirin media üzrə müşaviri Dr. Cihangir İşbilir də iştirak etmişdir.

 Hamlet İsaxanlı səfiri təbrik etdikdən sonra Xəzər Universitetinin Türkiyə universitetləri ilə mövcud əməkdaşlıqları və potensial imkanlar müzakirə olunmuşdur.

Görüşdə Hamlet İsaxanlı Birol Akgün`ə “Xəzərin Sorağında”, “Mənim Qarabağım və ya Qarabağ Düyünü” kitabları daxil olmaqla müəllifi olduğu kitablardan hədiyyə vermişdir. O, həmçinin, səfiri 2025-ci il fevralın 18-19-da universitetin təşkilatçılığı ilə “Texnologiyanın geosiyasəti” mövzusunda  keçiriləcək  akademik seminarın açılış programına dəvət etmişdir.

Görüş xatirə şəkillərinin çəkilməsi ilə başa çatmışdır.