2024-cü ilin oktyabr-dekabr aylarında İqtisadiyyat və menecment departamentinin təşkilatçılığı ilə Yüksəliş Müsabiqəsinin qalibləri – mentor Əsəd Qurbanzadə, Fərahim Hacıyev, Ülkər Məlikova və İlahə Baxışova Tahirli  tərəfindən təşkil olunan Mentorluq Proqramı haqqındakı informasiya sessiyasına tələbələrin böyük maraq göstərməsi nəticəsində İqtisadiyyat və menecment fakültəsinin III və IV kurs tələbələrinin proqrama müraciətləri qeydə alınmışdır. Müraciətlərin qiymətləndirilməsi əsasında fakültənin altı tələbəsi Yüksəliş Müsabiqəsi çərçivəsində Mentorluq Proqramında iştirak hüququ əldə etmişdir.

Mentorlar tərəfindən seçilən İqtisadiyyat və menecment fakültəsinin tələbələri – Nuray Əzizova, Ənvər Bədəlov, Emil Babazadə, Ülkər Hüseynli, Aytac Şahverənova və Hüseyn Dadaşov bir il müddətində mentorluq dəstəyi alacaq, həmçinin bu dövr ərzində təcrübə və iş imkanlarından yararlanmaq imkanı qazanacaqlar.

Proqram çərçivəsində təşkil edilən fərdi görüşlər zamanı mentorlar öz təcrübələrinə əsaslanaraq, tələbələrə karyera planlaşdırılması, iş mühitində uğur qazanmağın yolları, potensial çətinliklərin həlli metodları və peşəkar inkişafla bağlı tövsiyələr verilib. Görüşlərin sonunda tələbələrin sualları cavablandırılmışdır.