2025-ci il yanvarın 28-də Xəzər Universiteti ABŞ-ın Azərbaycandakı səfirliyinin nümayəndələrini qəbul edib. Görüşdə Regional ingilis dili mütəxəssisi (RELO) Con Silver, İngilis dili proqram koordinatorları Aycan Yaman və Səbinə Abdullayeva, eləcə də səfirliyin Mədəniyyət işləri üzrə mütəxəssisi Rendi Koul iştirak etdilər.

Qonaqları universitetin Tədris işləri üzrə prorektoru Prof. Məhəmməd Nuriyev, Humanitar, təhsil və sosial elmlər fakültəsinin dekan vəzifəsini icra edən Aygün Verdiyeva, İngilis dili və ədəbiyyatı departamentinin müdiri Dr. Milana Abbasova, Beynəlxalq əlaqələr şöbəsinin müdiri Fatimə Vəliyeva və  koordinatoru Jalə Məmmədova qarşıladılar.

Görüş zamanı ABŞ Dövlət Departamenti tərəfindən maliyyələşdirilən “English Language Fellowship” çərçivəsində həyata keçirilən fəaliyyətlər və gələcək əməkdaşlıq imkanları barədə fikir mübadiləsi aparıldı. Proqramın cari vəziyyəti, ingilis dili müəllimləri və tələbələr üçün yaradılan imkanlar, eləcə də növbəti il üçün planlaşdırılan layihələr müzakirə olundu. Səfirlik nümayəndələri proqramın Xəzər Universitetində 2024-2025-ci akademik ili üçün təqaüdçüsü Michael Collins`in dərsində iştirak etdilər.

Görüşdə hədiyyə mübadiləsi oldu və fotoşəkillər çəkildi.