Siyasi elmlər və fəlsəfə departamentinin müdiri, siyasi elmlər üzrə fəlsəfə doktoru, Dos. Orxan Vəliyev Daha TV-nin təşkilatçılığı, Asan İnovasiyalar Mərkəzi və ASAN TV-nin dəstəyi ilə 2025-ci il fevralın 5-dən etibarən hər ay bir akademik mövzu müzakirə olunacaq “Daha sərbəst” layihəsinə başlamışdır. Layihə çərçivəsində sosial elmlərin dövlət, suverenlik, dil, Türk Dünyası, millətçilik, kapitalizm, insan və cəmiyyət, fəlsəfə və tarix və s. mövzular akademik dərinliklə, ancaq anlaşıqlı bir üslubla müzakirə ediləcəkdir.
Layihə Daha TV-nin rəhbərlərindən şair, yazıçı Aqşin Yeniseyin moderatorluğu ilə Azərbaycan Respublikası Elm və Təhsil Nazirinin müşaviri Nicat Məmmədli və Dos. Orxan Vəliyevin çıxışları ilə baş tutacaqdır.
2025-ci ilin Azərbaycan Prezidenti İlham Əliyevin sərəncamı ilə “Konstitusiya və Suverenlik İli” elan edildiyi nəzərə alınaraq, ilk veriliş suverenlik mövzusuna həsr edilmişdir. Programda suverenlik anlayışı nəzəri, fəlsəfi və tarixi aspektdən müzakirə edilmişdir.
Copyright © Xəzər Universiteti, 2025
