Təəssüf hissi ilə bildiririk ki, tanınmış alim, Azərbaycan Milli Elmlər Akademiyası Məhəmməd Füzuli adına Əlyazmalar İnstitutunun baş elmi işçisi, filologiya elmləri doktoru Nəzakət Məmmədli 2025-ci il fevralın 3-də dünyasını dəyişib. Nəzakət Məmmədli təsəvvüf ədəbiyyatının əlyazma abidələri üzrə aparıcı ekspertlərdən biri, Azərbaycan və türk dünyasının elmi ictimaiyyətinin dəyərli nümayəndələrindən biri olmuşdur.

O, bir neçə il Türk Akademiyası ilə fəal əməkdaşlıq etmiş, qurumun elmi layihələrində iştirak etmiş, qaraqalpaq şairi Acıniyaz Kosıbay Ulının şeirlərinin qaraqalpaq dilindən Azərbaycan dilinə poetik tərcüməsini həyata keçirərək, türk xalqları arasında mədəni və  elmi əlaqələrin inkişafına öz töhfəsini vermişdir.

Nəzakət Məmmədlinin fəaliyyəti türk dünyası ədəbi irsinin öyrənilməsi, qorunması və təbliği yolunda fədakar əməyin nümunəsi  olaraq yaddaşlarda qalacaqdır.

Türk Akademiyası olaraq mərhumun ailəsinə və yaxınlarına dərin hüznlə başsağlığı veririk.

Allah rəhmət eləsin!

                                                                                                            Türk Akademiyası