2025-ci il  yanvarın 27-28-də  İngilis dili və ədəbiyyatı departamentinin təşkilatçılığı ilə “Xidmət öncəsi müəllim təlimi” (Pre-service Teacher Training) mövzusunda seminar keçirildi. Michael Collins`in təqdimatında baş tutan seminar Xəzər Universitetinin ingilis dili müəllimliyi ixtisasında təhsil alan tələbələr üçün nəzərdə tutulmuşdu.

Seminarın ilk günü sinfin idarə olunması, dərslər zamanı müəllim xarakterinin ortaya qoyulması, sinif müzakirələrinin uğurlu təşkili məsələlərinə toxunuldu. Digər gün isə dərsin düzgün planlaması, lüğətin təcrübi olaraq öyrədilməsi, təhsildə davamlılığın təmin edilməsi ilə bağlı söhbət aparıldı.