Xəzər Universitetinin müəllimi Elza İsmayılovanın“Koroğlu” dastanının Azərbaycan və Türkiyə variantları Avropada” adlı dərs vəsaiti Xəzər Universiteti Elmi Şurasının 6  may 2022-ci il tarixli 1/21-22 saylı qərarı ilə çap olunub. Elmi redaktoru  filologiya elmləri doktoru      Muxtar Kazımoğlu (İmanov), rəyçilər filologiya üzrə fəlsəfə doktorları   Dilbər Zeynalova və Xatirə Yusifovadır.

Dərs vəsaitində folklorşünaslığın aktual və az araşdırılmış problemlərindən biri olan “Koroğlu” dastanının Azərbaycan və Türkiyə variantlarının Avropa dillərinə tərcüməsi, nəşri və tədqiqindən bəhs edilir. Bu sahə ilə bağlı görülmüş işlər dəyərləndirilir, bir çox məsələlərə aydınlıq gətirilir. Avropalı tədqiqatçıların “Koroğlu” haqqında yazdığı elmi məqalələr və kitablar geniş şəkildə araşdırılır. Dərs vəsaiti ali məktəb müəllim və tələbələri üçün nəzərdə tutulmuşdur. Kitabdan bu sahə ilə maraqlananlar da faydalana bilərlər.