2024-cü il dekabrın 24-də Xəzər Universitetinin Kimya-biologiya və Biologiya müəllimliyi ixtisaslarının II kurs tələbələri Həyat elmləri departamentinin müəllimi G. Şəfiyevanın rəhbərliyi ilə Mərkəzi Nəbatat Bağında  ekskursiyada oldular. Ekskursiya tələbələrə təbiət elmləri sahəsində yeni biliklər qazandırmaq məqsədilə təşkil edilmişdi.

Mərkəzi Nəbatat Bağının elmi işçisi Asif Mehralıyev tələbələrə həm yerli, həm də dünyanın müxtəlif ölkələrindən gətirilərək, introduksiya olunmuş bitkilər haqqında, onların müxtəlif ekoloji mühit şəraitlərinə necə uyğunlaşdığı və adaptasiya prosesləri barədə məlumat verdi.

Ekskursiyanın sonunda bağ əməkdaşları tələbələrə təhsil prosesində istifadə edə biləcəkləri faydalı kitablar təqdim ediblər.