2025-ci il yanvarın 25-də Xəzər Universitetinin İqtisadiyyat və menecment departamenti və İqtisadi Araşdırmalar və Tədris Mərkəzinin (İATM) birgə təşkilatçılığı ilə “2025-ci il Vergi Məcəlləsində Dəyişikliklər” mövzusunda seminar keçirildi. Fikrət Əmirov Konfrans-Konsert Mərkəzində keçirilən tədbirdə mühasiblər, maliyyə mütəxəssisləri və sahibkarlar iştirak edirdilər.

Seminarın moderatoru İATM prezidenti Radil Fətullayev idi. Tədbirdə AEM Elektron şirkətinin baş mühasibi Asif Zeynalov, Green City Şirkətlər Qrupunun maliyyə müdiri Kamran Məmmədov və İATM MMC-də PMS 2 üzrə təlimçi Narmin Qurbanəliyeva spiker qismində çıxış etdilər.

Spikerlər vergi qanunvericiliyində edilən son dəyişikliklər, onların sahibkarlıq və fiziki şəxslərə təsiri, eləcə də yeni vergi tələblərinin tətbiqi yolları barədə ətraflı məlumat verdilər. Tədbir iştirakçılarının sualları cavablandırıldı və vergi sahəsindəki yeniliklər ətrafında müzakirələr aparıldı.