2025-ci il yanvarın 22-də Xəzər Universitetinin Beynəlxalq əlaqələr şöbəsi Erasmus+ proqramı çərçivəsində mübadilə proqramına seçilmiş tələbələr üçün səfərqabağı məlumatlandırma sessiyası keçirmişdir. Tədbirdə İspaniya (University of Alicante), Polşa (Powislanski və Kozminski universitetləri), Portuqaliya (Polytechnic Institute of Bragança) və Türkiyədən (Kasan Kalyoncu və Yozgat Bozok universitetləri) olan partnyor universitetlərdə Erasmus+ mübadilə proqramı çərçivəsində təhsilini bakalavr pilləsi üzrə davam etdirəcək  tələbələr iştirak etmişdir.

Tədbir tələbələrin mübadilə proqramı barədə fikirlərini öyrənmək, onları yeni tədris mühitinə və yeni mədəniyyətlərə uyğunlaşma mövzularında məlumatlandırmaq məqsədi daşıyırdı.

Görüşdə universitetin Tədris işlər üzrə prorektoru Məhəmməd Nuriyev, İdarəetmə və tələbə işləri üzrə prorektoru İsaxan İsaxanlı, İqtisadiyyat və menecment fakültəsinin dekanı Razyə İsayeva, Təbiət elmləri və mühəndislik fakültəsinin tələbə işləri üzrə dekan müavini Vəfa Aslanova, Beynəlxalq əlaqələr şöbəsinin müdiri Fatimə Vəliyeva və  koordinatoru Seyran Əliyeva iştirak ediblər. Onlar tələbələri mübadilə proqramına seçilmələri münasibətilə təbrik etdilər və tələbələrə gələcək fəaliyyətlərində uğurlar arzuladılar.

Görüş xatirə şəkillərinin çəkilməsi və tələbələrə hədiyyələrin təqdim edilməsi ilə yekunlaşdı.