2025-ci il yanvarın 24-də Xəzər Universitetinin koordinatoru olduğu və Avropa Komissiyası tərəfindən maliyyələşdirilən Erasmus+ KA2 proqramının  “Azərbaycanda İnstitusional Repozitoriyalar Şəbəkəsi Vasitəsilə Tədqiqat Potensialının İnkişafı” (DIRNA) adlı layihəsi çərçivəsində 5-ci iş paketinə uyğun “İnstitusional Repozitoriyanın icra planı” adlı vebinar keçirildi.

Vebinar İzmir Yüksek Texnologiya İnstitutunun Kitabxana direktoru Gültekin Gürdal tərəfindən təqdim edildi.

Vebinarda DIRNA layihəsi çərçivəsində qurulacaq vahid İnstitusional Repozitoriyanın strukturu, tərəfdaş universitetlərin bu vahid sistemdə yer alması və hər bir universitetdən işləri icra edəcək məsul şəxslərin təyin olunması, repozitoriyanın digər tədqiqat sistemləri ilə qarşılıqlı əlaqəsi məsələləri müzakirə olundu.

Nəticə olaraq belə qənaətə gəlindi ki, DIRNA layihəsinin davamlılığı üçün güclü bir texniki infrastruktur və insan resurslarının inkişaf etdirilməsi, milli və beynəlxalq əməkdaşlıqların artırılması, tədqiqat nəticələrinin daha əlçatan və davamlılığı üçün strateji plan hazırlanmalıdır.